..
O Club Baloncesto Seis do Nadal - Coia xogará esta fin de semana no pavillón de Navia a décima xornada da Liga EBA da presente tempada 2016/17, quinta xornada da competición que xogará como conxunto local. O encontro será o sábado día 10 de decembro do 2016 ás 18:30 horas no polideportivo de Navia ante o Instituto Rosalía de Castro de Santiago de Compostela.
..
O equipo Sénior Masculino de Liga EBA volverá ao pavillón de Navia buscando a súa primeira vitoria no que será a décima xornada da competición. O noso conxunto segue adaptándose á competición desde o inicio desta tempada e corrixindo os erros e a falta de experiencia perseguindo unha primeira vitoria que será histórica para a entidade.
..
Desde tódolos estamentos da entidade convidamos a toda a familia que forma parte do Club Baloncesto Seis do Nadal Coia a asistir a este novo partido da Liga EBA e a apoiar ao noso equipo nesta nova xornada. Agardámosvos a todos e a todas (xogadores e xogadoras, adestradores e adestradoras, amigos e familiares) o próximo sábado 10 de decembro ás 18:30 horas no polideportivo de Navia.
..
XOGA CON NÓS NA LIGA EBA!