.
O pasado xoves día 1 de setembro do 2016 tivo lugar no Pavillón de As Travesas de Vigo o Memorial Quino Salvo organizado pola Asociación Quino Salvo. Como eixo central do evento, ás 20:45 horas disputouse un partido amigable entre o Obradoiro CAB e o Club Joventut Badalona, conxuntos os dous da Liga Endesa.
Este primeiro partido homenaxe enfrontou a dous equipos moi importantes na vida deportiva de Quino Salvo. O Obradoiro CAB de Santiago de Compostela, primeiro equipo profesional no que militou Quino Salvo e o primeiro conxunto ao que se enfrontou na Liga ACB, o Joventut de Badalona.
Outra das actividades incluídas no Memorial Quino Salvo foi un partido amigable entre os dous equipos de Liga EBA da cidade de Vigo: o Club Baloncesto Seis do Nadal - Coia e o VGO Básket. O encontro tivo lugar ás 18:00 horas no Pavillón de As Travesas e foi o primeiro partido amigable que xogaba o noso conxunto na presente tempada.
(Fotos de Jorge González Márques do partido de Liga EBA do Memorial)